Промоция публикацийох Рускей матки у Вербаше

автор М. Тамаш
618 Опатрене

ВЕРБАС – У Народней библитеки Данило Киш у Вербаше штварток 6. юния отримана промоция нових виданьох Рускей матки,

Представени кнїжки Руски язик и ИСО-код проф. др Михайла Фейси и мср Славици Чельовски и Руски язик медзи карпатскима славянскима язиками и диялектами, мастер робота мср Тамари Хома.

Руски язик и ИСО-код проф. др Михайла Фейси и мср Славици Чельовски скорей уж представени у Коцуре, Керестуре, а кнїжка Руски язик медзи карпатскима славянскима язиками и диялектами мср Тамари Хома у Вербаше мала першу промоцию.

Представяюци кнїжку Руски язик и ИСО-код професор др Михайло Фейса гварел же тота кнїжка доказ жe руски язик – язик и же нє важи теория з 19. вика же руски язик диялект русийского язика и теориї з 20. вика же наш руски язик диялект словацкого, лєбо диялект українского язика.

О кнїжки Руски язик медзи карпатскима славянскима язиками и диялектами мср Тамари Хома, рецензент проф. др. Михайло Фейса гварел же Тамара Хома у своєй мастер роботи поровнала руски язик зоз другима славянскима язиками. Додал и же резултати виглєдованя Тамари Хома указую же руски язик ма коло 60 одсто заходнослявянски характеристики (словацки и польски), дас 36 одсто восточнославянки (билоруски и українски), и дас 4-5 одсто южнослявянски, бо зме уж 300 роки на тих просторох зоз Сербами, як и же авторка нє єднобочна, алє обєктивна.

На промоциї присутни безплатно достали по прикладнїк кнїжкох.

ПОВЯЗАНИ ТЕКСТИ