РУСКИ КЕРЕСТУР – Столнотениски клуб Русин внєдзелю 1. децембра у Руским Керестуре одбавел 5. коло Южно Бачкей лиґи процив екипи СТК Гайдук зоз Чуруґу и зазначел побиду зоз вкупним резултатом 4:2.
За екипу СТК Русин на тим першенственим стретнуцу наступели: Михайло Сабадош, Стефан Горняк и Иґор Фейди.
У першим стретнуцу Михайло Сабадош победзел зоз максималним резултатом 3:0 по сетох и керестурци були у предносци од 1:0 у партийох.
У другим стретнуцу Стефан Горняк зазначел пораженє тиж зоз максималним резултатом 0:3 по сетох и екипа Гайдука вировнала вкупни резултат на 1:1 у партийох.
У трецим стретнуцу Иґор Фейди зазначел пораженє зоз резултатом 1:3 по сетох и екипа зоз Чуруґу обрацела резултат и була у предносци од 1:2 у партийох.
У штвартим, дубл стретнуцу у тиму бавели Михайло Сабадош и Иґор Фейди и зазначели побиду зоз резултатом 3:1 по сетох и вировнали вкупни резултат на 2:2 у партийох.
У пиятим стретнуцу Михайло Сабадош ознова надбавел процивнїка и победзел зоз резултатом 3:1 по сетох и екипа Русина у вкупним резултату була у предносци од 3:2 у партийох.
У шестим стретнуцу Иґор Фейди зазначел максималну побиду зоз резултатом 3:0 по сетох, так же вкупни резултат у партийох на тим стретнуцу бул 4:2 за екипу СТК Русин зоз Руского Керестура, хтори тиж зазначел и першу побиду у першенству.
У шлїдуюцим 6. колу Южно Бачкей лиґи СТК Русин будзе бавиц процив екипи СТК Челарево 2.