НОВИ САД – Столнотениски клуб „Русин” внєдзелю, 17. новембра у Новим Саду одбавел 4. коло Южнобачкей лиґи процив екипи СТК „Egyseg 2” и зазначел пораженє зоз вкупним резултатом 4:2.
За екипу СТК „Русин” на тим першенственим стретнуцу наступали: Михайло Сабадош, Стефан Горняк и Иґор Фейди.
У першим стретнуцу Иґор Фейди страцел зоз резултатом 3:0 по сетох.
У другим стретнуцу Михайло Сабадош зазначел побиду зоз резултатом 2:3 по сетох и вировнал вкупни резултат на 1:1 у партийох.
У трецим стретнуцу Стефан Горняк зазначел пораженє зоз резултатом 3:0 по сетох и екипа зоз Нового Саду була у предносци зоз 2:1 у партийох.
У дубл стретнуцу у тиму бавели Михайло Сабадош и Иґор Фейди хтори достали перши сет, медзитим шлїдуюци три сети страцели и поражени су зоз 3:1 по сетох.
У пиятим стретнуцу Михайло Сабадош ознова победзел зоз идентичним резултатом як и у своїм першим стретнуцу зоз 2:3 по сетох и врацел надїю екипи Русина же би могла нєсподзивац екипу Egyseg 2 у Новим Саду.
У шестим стретнуцу Иґор Фейди зазначел пораженє зоз резултатом 3:0 по сетох, так же вкупни резултат у партийох на тим стретнуцу бул 4:2 за екипу СТК Egyseg 2 зоз Нового Саду.
У шлїдуюцим 5. колу Южнобачкей лиґи СТК Русин будзе бавиц процив екипи СТК Гайдук зоз Чуруґу.