МАРИЯПОВЧ (МАДЯРСКА) – Вседержавна русинска самоуправа у Мадярскей орґанизує и того року Русинске националне швето, на соботу 27. мая. Того дня зиду ше мадярски Русини на стародавним паломнїцким месце Марияповч, хторе до нєшка одпустове место.
Преслава националного швета почнє зоз архиєрейску Службу Божу, хтору будзе предводзиц преосвящени Филип Кочиш, архиепископ гайдудорожски и митрополит Мадярскей. После литурґия швето привита Виктор Крамаренко, предсидатель Вседержавней русинскей самоуправи.
У рамикох швета будзе ше придавац Премия Антония Годзинки, а на академиї будзе шивац Хлопски хор святого Єфрема.