Шести раз розквитнуто и пахняцо на фестивалу квеца (фото)

автор Ол. Живкович
92 Опатрене

КУЛА – Ярнї фестивал квеца отримани 19. и 20. априла у Крамеровей улїчки од 8–19 годзин. На нїм участвовали коло 100 викладателє зоз цалей Сербиї, а присутни могли видзиц нє лєм рижнородне квеце зоз котрим украша свойо заградки и простор коло обисца, алє и рижни други прикраски за заградки и обисце.

Векшина викладательох нє першираз у Кули, уж им приход на Ярнї фестивал квеца постал обовязни, а и нащивителє зоз кулскей општини дзечнє приходза опатриц понукнуце и обезпечиц себе дацо од понукнутого.

Манифестацию орґанизовала Општина Кула и Туристична орґанизация Општини Кула.

Предсидатель туристичней орґанизациї Владимир Станкович надпомнул же ше идуцого викенду отрима Медзинародна вистава нємецких овчарох и поволує заинтересованих 27. априла на Городски стадион.

ПОВЯЗАНИ ТЕКСТИ