ШИД – У Руским доме вчера, 15. мая отримана порядна Рочна скупштина КПД „Дюра Киш“.
На скупштини прилапени Звит о роботи за прешли рок, хтори поднєсол предсидатель Златко Манько, потим финансийни звит хтори поднєсол секретар Мирослав Цирба, а звит Надпатраюцого одбору поднєсол Мирон Джуджар, о стану готового пенєжу звит дала Наташа Еделински Миколка.
Под точку рижнє вигласане же би место потерашнєй членїци Управного одбору Николини Горняк з Беркасова нови член бул Ириней Папуґа зоз Шиду, член Старшей шпивацкей ґрупи.
Тиж Скупштина одлучела и же би членарина у дружтве за 2025. рок була як и за прешли 500 динари, а хто жада може дац и вецей.
