НОВИ ПАЗАР – Студенти Державного универзитету у Новим Пазару всоботу, 12. априла орґанизовали 12-годзинови протест под назву „Слобода влада чаршијом” на котри ще придружели студенти у блокади зоз шицких крайох держави.
На протест велї студенти ше одважели пойсц пешо и на бициґлох, а дочекали их домашнї. Протест почал зоз шейтаньом од будинка Державного универзитету по централну городску площу Ґази Иса-Баґ, дзе отримали 17 минути цихосци, 16 за жертви на Желєзнїцкей станїци у Новим Садзе и 1 минута за студента новопозарского универзитету Ернана Бакана котри настрадал 2019. року як пешак у Беоґрадзе.
Потим колона пошла по будинок Полицийней управи дзе протестовали на кратко, потим пробовали блокирац драгу автобусом котри превожели людзох на сход до Беоґраду.
Вечар була музична програма, протест закончени на 23 годзин, а учашнїки попораєли простор дзе пребували.