РУСКИ КЕРЕСТУР – У велькей виронаучней сали, внєдзелю, 2. фебруара, млади Руху фоколарох ше стретли розпатриц „Слово животаˮ за чечуци мешац, о своїм искустве шведочел Михайло Павлович зоз Беоґраду, а модератор стретнуца бул Михаїл Римар.
Млади ше поряднє стретаю же би раз мешачно розпатрели „Слово животаˮ. У фебруаре роздумую о словох апостола Павла „Шицко преверюйце, добра ше тримайцеˮ (1 Писмо ап. Павла Солуняном – 5,21).
Слово живота представя роздумованя о дзепоєдних виреченьох зоз Святого Писма котри ше у пракси Руху фоколарох вибераю за кажди мешац и реализую у каждодньовим живоце.
