ҐОСПОДЇНЦИ – Националне швето Руснацох у Републики Сербиї, всоботу 17. януара святочно преславене и у парохиялним доме Грекокатолїцкей церкви св. архангела Михаїила.
Святочносц почала зоз гимну Републики Сербиї и шветочну шпиванку Руснацох у Републики Сербиї. Присутних спред валалчанох и церковного одбору привитал Владимир Салонски, а потим присутних поздравел координатор подручней канцелариї Националного совиту Руснацох Микола Кухар, котри у сотруднїцтве зоз Управним одбором КУД „Тарас Шевченко” зоз Дюрдьова орґанизовал преславу и у Ґосподїнцох.
У програми Олеся Хромиш пречитала историю Руснацох, а Ленка Станкович и Михайло Пап рецитовали. После програми бул коктел и друженє.
На преслави були и Ґосподїнчанє, Дюрдьовчанє, як и мастер филозофиї и теолоґиї Страхиня Здравкович, котри на пракси у грекокатолїцкей церкви у Дюрдьове.
