ШИД – Вчера, 2. марца отримани седми раз протест и потримовка студентом кед на 15 минути, точно на 18 годзин блокиранa главнa крижна драга у центру городу при будинку Општини и Пошти.
После галайку колона рушела през главну Карадьордьову улїцу, а на предку були по першираз моторкаше и тарктористи.
Опрез будинка Ґимназиї „Сава Шуманович“ бешедовали двоме студенти хтори поручели же ше зявює, як гварели, „нова твар Сербиї“ и же оставаю упарти покля нє буду виполнєти шицки студентски вимоги.
Сход закончени зоз минуту цихосци за настрадалих на гайзибанскей станїци у Новим Садзе, а потим ше орґанизовано шицки врацели на початне место протесту.
