Три нови музични споти за швета

автор Ол. Живкович
476 Опатрене

РУСКИ КЕРЕСТУР – Пририхтуюци ше за крачунски и новорочни швета млади уметнїки пририхтали два музични споти зоз шветочну тематику. Шпиванку „Вєдно” котра од 22. децембра мала вецей як 2 тисячи препатрунки, одшпивали Анамария Регак и Дориян Чизмар. Текст и музику написла Анамария Регак, а аранжаман Златко Русковски, котри бул и знїматель и монтажер споту. Музични спот режирала Анамария Регак. Же би ше тот проєкт витворел, технїчну потримовку оможлївели Дом култури Руски Керестур, Саша Паленкаш и Яким Винаї Цумай. Шпиванку мож послухац и опатриц на тим линку:

Леґиньска шпивацка ґрупа зоз Руского Керестура обявела 25. децембра, на перши дзень крачуна зняла музични спот на хторим коляди „Добри вечри Тоби”, у самостойней продукциї. Александер Планкош прилагодзел уж иснуюци аранжман и пририхтал ґрупу за наступ. Технїчну часц роботи поробели дизайнер звука Йован Живкович и монтажер Тадей Малацко. Парохия св. оца Миколая вишла вочи ґрупи и дала им простор у котрим знїмали, а Ненад Илич, Александра Бучко и Дионизий Малацко технїчно помогли же би тот проєкт бул успишно реализовани, на чим им Леґиньска шпивацка ґрупа дзекує. Тот знїмаок мож опатриц на тей адреси:

Пред крачунскима и новорочнима шветами, 21. децембра и Сашо Палєнкаш премиєрно обявел музични спот у власней продукциї. За тоту шпиванку текст написал Жарко Остоїч, музику и аранжман автор Саша Палєнкаш, док провадзаци вокал шпивала Марина Роман. Гоч по тематики, поведло би ше же „Найкрасши блуз” нє припадаюци наиходзацим шветом, ошвиженє є у рускей музики. Блуз ше швечи шпивац гоч кеди. У видеу автор и ґлуми кловна, а шминку подписує Адрея Штефанко, як и камеру, а видео-музични знїмок мотнирал Саша Паленкаш. Видео мож опатриц на шлїдуюцей адреси:

ПОВЯЗАНИ ТЕКСТИ