ПАРИЗ – Предсидателька Влади Републики Сербиї Ана Брнабич зоз делеґацию Сербиї, у хторей медзи министрами, була и директорка Основней школи и ґимназиї „Петро Кузмяк” зоз Руского Керестура Наталия Будински, та пред делеґатами зоз 185 жемох представела потенцияли Сербиї з нагоди кандидатури нашей жеми за отримованє вистави EXPO 2027.
Директорка Наталия Будински на тото представянє пошла на поволанку Влади Републики Сербиї, вєдно зоз своїм сином Исаком, школяром шестей класи у керестурскей школи, хтори победзел на конкурсу за програмованє дзецинского бависка. Исак у Паризу представел дзецинске бависко хторе програмовал и на тот способ потримал же би ше Сербия цо лєпше представела у кандидатури за EXPO 2027.
Барз похвалне же на тим представяню бул и єден Руснак, а то и вельки успих понеже бул зоз найлєпшима уметнїками, ґлумцами, скулпторами, музичарами, спортистами, привреднїками зоз Сербиї. Премиєрка Ана Брнабич у бешеди у Паризу присутним препомла и же Сербию представя мали програмер школи зоз Руского Керестура.
