У двох стретнуцох освоєни бод

автор Д. Барна
77 Опатрене

ОДЖАК – Младши катеґориї ФК „Русин” всоботу, 11. януара у Спортским центру у Оджаку бавели 5. коло Мини Макси лиґи процив екипи ФК „Текстилац” зоз Оджаку и екипи ФК „Крила Країне били” зоз Бачкей Паланки и у двох одбавених стретнуцох млади русиновци зазначели єден нєришени резултат и єдно пораженє.

У першим стретнуцу бавели дзеци народзени 2018. и 2019. року процив домашнєй екипи Текстилац зоз Оджаку и зазначели нєришени резултат хтори на концу глашел 0:0.

За екипу Русина 2018. и 2019. рок бавели – Дамян Орос, Андрей Орос, Стефан Гарди, Матео Такач, Филип Чуни, Давор Ковачевич, Лука Ликов, Коста Сабодайко, Александар Пекич и Леон Кренїцки.

У другим стретнуцу бавели дзеци народзени 2017. року процив екипи Крила Країне били зоз Бачкей Паланки и на тим стретнуцу млади русиновци зазначели минималне пораженє зоз резултатом 1:0.

За екипу Русина 2017. рок бавели – Тони Пашо, Лука Медєши, Леон Боднар, Лазар Тасич, Павле Папуґа, Стефан Папуґа, Матей Югик, Николая Петкович, Лука Кренїцки и Феликс Ковач.

Тренер – Денис Югик.

ПОВЯЗАНИ ТЕКСТИ