ШИД – У Основней школи „Сримски фронт“ з нагоди Дня державносци Сербиї порихтана пригодна вистава на хторей окрем препознатлївих историйних мотивох єст и даскельо окремни хтори у цалосци даваю глїбши смисел вистави.
На верху постановки златне яблуко як препознатлїви символ християнства, а при сподку круг хтори дава нове поглавє сербскей историї и закончує ше з сучасну вояцку хералдику, символом геройского духа сербского народу.
Як нам гварела професорка сербского язика и литератури Радослава Дьордєвич, хтора з помоцу школярох порихтала виставу, тота вистава прицагла увагу шицких школярох нє лєм прето же є едукативного характеру, алє и пре богати колорит и глїбоки порученя.