ТИТЕЛ – На 22. Смотри кирилскей писменосци у Тителу попри 36 школох зоз Републики Сербиї, и школярох зоз Републики Сербскей, и того року участвовали и були успишни и школяре Основней и штреднєй школи „Петро Кузмяк” з Руского Керестура.
Вони наградзени у катеґориї за найлєпши писмени задаток. У нїзшим возросту то Деяна Тот и Даниєл Фейди. У старшим возрост Лара Папуґа, Мая Надь, Валентина Фаркаш и Андрей Провчи, як и ґимназиялци Лана Штранґар, Ґлориян Штранґар и Андрея Надь.
Їх роботи на Смотру послали: учителька Любица Бучко, и наставнїци руского Каролина Джуджар, Тамара Хома и Люпка Малацко.
