КУЛА – Тогорочни Ярнї фестивал квеца у Кули отримани 28. и 29. априла у улїчки Йосипа Крамера и од 8 до 19 годзин.
Вецей як сто викладателє зоз Сербиї виложели рижни файти квеца, еґзотични стебла, украсни стебла, як и други продукти за котри заинтересовани любителє квеца и гортикултури. Заш лєм, викладателє обачели же кус зменшане интересованє, алє нє нательо же би ше им нє виплацело присц. Нащивительох мали нагоди видзиц алє и купиц шицко цо им нєобходне же би прикрашели свойо обисца.
Другого дня було кус менєй и викладательох и нащивительох. Заш лєм при рижнофарбових штрандох ше могло стретнуц тих котри першого дня уж накупели тото цо их интересовало, а другого дня ище докупйовали цо им хибело.
