НОВИ САД – На виберанкох за Скупштину Аутономней покраїни Войводини, на основу обробених резултатох зоз 1.719 гласацких местох, од вкупно 1776, на першим месце водзи лїстина Александар Вучич – Войводина нє шме стануц зоз 47,33 одсто гласи, односно 67 мандати.
За тераз обробене 96,79 одсто резултати зоз гласацких местох и призначена виходносц од 59,19 одсто.
Лїстина Ивица Дачич – премиєр Сербиї освоєла 5,09 одсто гласи лєбо 7 мандати, Русийска странка1 одсто гласох, односно єден мандат, лїстина НАДА за Войводину 5,15 одсто гласи односно 7 мандати, лїстина Сербия процив насилства 30 мандати и Союз войводянских Мадярох ма 8 мандати.
Спрам словох предсидателя Покраїнскей виберанковей комисиї, Райка Маринковича, було 57 нєисправно пополнєти записнїки, на хторих дзепоєдни лєгко ришени, а на даєдних гласацких местох виберанки буду повторени.