Викладали привреднїки з општини Вербас

автор М. Тамаш, фото www.vrbas.net
425 Опатрене

БEOҐРАД – Општина Вербас була єдна з активних учашнїцох Медзинародного сайму овоцарства, польодїлства и винїцарства „Аґро Белґраде 2023”(Agro Belgrade 2023) хтори отримани 26, 27. и 28. януара на Беоґрадским сайме.

Зоз Оддзелєня за привреду Општинскей управи сообщене же Општина Вербас обезпечела штанди за трох викладачох.

Єдно з нїх Ґаздовство Роквич хторе продукує палєнку и ликери, а хторе освоєло вецей златни медалї и награди у Сербиї, потим ОЗЗ „Castro-Cop” Кулпин хтора представела на Сайме штири файти яблукох и кромплї за продукцию чипса, як и Ґаздовство Крстич хторе ше занїма з пчоларством хторе представело вецей як 10 свойо продукти.

Општина Вербас на тот способ  потримує и стимулує розвой польопривредних продуковательох, обезпечує им лєгчейше сотруднїцтво и пласованє продуктох на домашнїм и медзинародним тарґовищу. Тиж Општина Вербас обезпечела и подзелєла 100 уходнїци польопривреднїком за нащиву Сайму.

На тей манифестациї ше представели компаниї з обласци овоцарства, польодїлства и винїцарства, як и польопривредни задруґи зоз Сербиї и иножемства.

ПОВЯЗАНИ ТЕКСТИ