РУСКИ КЕРЕСТУР – Швето Рождество Йоана Хрестителя вирни Парохиї св. о. Миколая означели у службох у церкви на 8 и 19 г и у Водици на 10 годзин.
Службу предводзел декан прешовски и парох зоз Гуменого о. Мирослав Илько, парох керестурски о. Владислав Варґа, о. Михайло Шанта и о. Ярослав Варґа, а о. Владимир Медєши споведал же би ше потим придружел служби.
У Водици на служби були присутни и госци, грекокатолїцки паломнїки зоз Гуменого, Република Словацка. Вони нащивели Водицу и други паломнїцки места у окруженю. После служби у Водици госци керестурским вирним порихтали аґапе и дружели ше вєдно з нашима вирнима.
Паломнїки у Керестуре були змесцени у интернату Основней и штреднєй школи зоз домом школярох „Петро Кузмяк“ котра достала сертифиакт за даванє туристичних услугох у интернату кед школяре законча школованє за школски рок.
