РУСКИ КЕРЕСТУР – У Основней и штреднєй школи з домом школярох вчера, 10. априла, з нєзвичайним облєканьом школярох и наставнїкох означени Дзень потримовки особом з аутизмом.
Векшином младши, алє и старши школяре и наставнїки, та и директорка, того дня пришли нєзвичайно облєчени до школи, и у школским голу ше подружели и шицки потанцовали вєдно з наставнїками котри на себе мали залїпени поучни надписи.
Циль тей активносци звекшовац свидомосц шицким же прецо важне прилапйовац дакого хто розлични, або иншаки од векшини.
Особи з аутизмом маю чежке неуророзвойне поремеценє, чежкосци у социялним интеґрованю и комуникациї з другима людзми.
