РУСКИ КЕРЕСТУР – У Водицовим тижню – од 25. по 31. май – служби Божо того року кажди дзень буду вечар на 19 годзин, а нє рано, як то була традиция. Служба Божа рано, на 10 годзин, будзе лєм на ютре, 25. мая, на швето Вознесениє Господнє.
Водицов тидзень то остатнї тидзень у маю хтори у Католїцкей церкви пошвецени Пречистей Дїви Мариї, та ше у Марийовим сятилїщу Водица каждодньово служи служби Божо, а 31. мая будзе нєзаповедане швето Царици Богородици, хторе запровадзене 1968. року.
Пре означованє 200-рочнїци Водици, на Завитни дзень 6. юния, служби Божо у водицовей церкви того року буду и после Водицового тижня – 1. и 2. юния, як и 5. юния, пред Завитним дньом.