ВЕРБАС – Опрез Основного суду у Вербаше всоботу предполадньом, 26. септембра, позберало ше вельке число гражданох и симпатизерох Сербскей напредней странки же би виражели свойо нєзадовольство пре инцидент котри ше случел у Кули, кед активисти СНС були нападнути.
Порученє котре провадзело сход було вимаганє же би компетентни институциї реаґовали у складзе зоз законом пре инцидент котри ше случел на штанду СНС дзень пред тим у Кули. Кричанє и гвизданє присутних могло чуц и кед З.С. виведзени зоз Суду у провадзеню полициї, а хтори под сумню за спомнути инцидент кед, по доступних информацийох, зоз шекеру очкодовани штанд СНС и два особи покалїчени у зраженю.
Присутни тримали числени транспаренти зоз написами Стоп блокадерскому насилству, а кандидатка за народну посланїцу Миляна Павков з тей нагоди визначела же зоз сходом жадали послац порученє же ше нє боя, и же предлужа окончовац активносци за свою странку мирно и достоїнствено, так як ше и водза з политику Александра Вучича.