КОЦУР – Пияток, 13. юлия, прейґ коцурскей Євангелскей церкви пришла нова ґрупа волонтерох зоз Голандиї.
Дзешецеро волонтере пришли з голандского места Стиєна до Коцура, а шицки роботи котри буду робиц плановани у Дюрдьове. Волонтере буду ушорйовац Євангелску церкву, фарбиц ограду на стадиону ФК „Бачка”, ушорйовац дзецинске бавилїще и дзелїц пакети зоз поживу и пакети зоз средствами за гиґиєну.
Волонтере зоз Стриєна буду пребувац у Коцуре по 20. юлий, а од 30. юлия зоз голандского места Оуд Баєланд приходза нови волонтере котри у Коцуре буду два тижнї. Планує ше же би предлужели з ушорйованьом кампа церкви на Косанчичу, пририхтали нови просториї у Євангелскей церви у Коцуре у котрих би ше могло отримовац виронауку, як и орґанизовац дзецински камп у природи у котрим би дзеци спали под шатрами.