НОВИ САД – Штварток, 12. марца, у Скупштини АП Войводни отримна схадзка Координациї националних совитох националних меншинох, зоз котру предшедавал предсидатель Националного совиту Мадярох Єне Гайнал.
На схадзки ше усоглашовало становиска о явней розправи о Нарису Закона о вименкох и дополнєньох Закона о националних совитох националних меншинох.
Як дознаваме, єдно з главних питаньох була дефиниця националних совитох националних мешинох и найважнєйше – їх будуци статус.
Даскельо представнїки на Координациї глєдали же би национални совити достали „окремни статус”, як наприклад институциї канцеларийох цо робя при Влади.
Зоз тим ше нє зложел Национални совит Бошнякох, котри ма дац свой предклад дефинициї о котрим ше шицки члени Координациї маю вияшнїц до пиятку (13. априла).
Тераз статус Националних совитох точно нєдефиновани, фактично медзи державним орґаном и нєвладову орґанизацию. Од 2002. року закони ясно нє дефиную статус националних совитох, цо огранїчує їх овласценя и вплїв у державней гиєрархиї.
Закон о вименкох и дополнєньох Закона о националних совитох националних меншинох у найблїзши час будзе пред посланїками Народней скупштини Републики Сербиї.
На схадзки Координациї присуствовали предсидатель Вивершного одбору Националного совиту Руснацох Желько Ковач и секретар Таня Арва Планчак, а тиж и членїца НСР Олена Папуґа.
