ЖАБЕЛЬ – У Цукровнї у Жаблю тогорочна кампаня прерабяня цукровей цвикли почала 31. авґуста, а вапняни пец запалєл помоцнїк предсидателя Општини Радован Плачкич. На шветочносци з нагоди початку кампанї присуствовал и предсидатель Општини Жабель Чедомир Божич и други општински функционере, пише портал тей локалней самоуправи.
Цукровня у Жаблю, як и Цукровня у Червинки, дїлує у рамикох греческей компаниї „Геленик шуґар”, и як гварели руководителє з „Геленику”, продукция цукру у жабельскей цукровнї того року будзе дакус зменшана пре сушу, гоч цвикла законтрачана на 23 000 гектарох, цо за 5 000 гектари вецей як прешлого року.
И попри зменшаня, у компаниї обчекую же їх два цукровнї у Сербиї вєдно випродукую 180 000 тони цукру цо, як гварели, цалком задоволюца продукция.