Кирбай преславени у екуменским духу

автор влв/маф
1.1k Опатрене

БЕОҐРАД – Всоботу, 27. мая дополадня, у каплїци у Вишеґрадскей улїци вирни грекокатолїки у Беоґрадзе преславели Кирбай и своїх нєбесних покровительох, славянских апостолох св. Кирила и Методия.

Службу Божу преводзел домашнї парох о. Владислав Варґа, а сослужел о. Петро Ташев, македонски лазарист з Банового Брда, котри и наказовал о велькосци Кирила и Методия и вредносцох славянскей култури хторей допринєсли зоз своїм мисионерским посланьом.

Апостол по руски читал др Яким Стрибер, парох о. Варґа по українски, а шпиванє водзел дзияк сримскомитровицки Ярослав Прецеп.

На Служби участвовали и протодиякон Радомир Ракич зоз Сербскей православней церкви, священїк Иґор Джурчик з Анґликанскей Церкви, а Ана Петрович зоз Словацкей євангелицкей церкви послала винчованку.

7-BGD-02

Попри домашнїх Руснацох и Українцох, на Служби були и особи сербского, горватского, италиянского и мадярского походзеня, як и фамелия Шушак з Амбасади ЗАД у Беоґрадзе.

По Служби у Церковней сали наступела Шпивацка ґрупа „Руски зарї” зоз Сримскей Митровици зоз трома рускима народнима шпиванками, кантавтор Петро Закамарок з Индїї ошпивал три українски шпиванки, а друженє предлужене и з коштованьом руских и українских народних специялитетох.

7-BGD-03

ПОВЯЗАНИ ТЕКСТИ