БЕОҐРАД/СРИМСКА МИТРОВИЦА – У грекокатолїцкей парохиї у Беоґрадзе нєшка, на швето Кирила и Методия, припада храмове швето – Кирбай, алє ше його преславйованє преноши на соботу, 27. мая.
На ютре, 25. мая, на швето Вознесениє Господнє, Кирбай у грекокатолїцкей парохиї у Сримскей Митровици.
Як за Рутенпрес гварел парох у обидвох парохийох о. Владислав Варґа, кирбайски служби Божо у обидвох церквох буду на 11 годзин, а у Митровици Служба будзе Архиєрейска, понеже ю будзе предводзиц наш владика кир Георгий Джуджар.
По кирбайскей Служби у Беоґрадзе у каплїци у Вишеґрадскей улїци ч. 23, на соботу, 27. мая будзе и друженє и кратка програма, на хторей наступи Хор „Руски зарї” зоз Сримскей Митровици.