ВЕРБАС – Предсидателька Скупштини општини Вербас Маряна Мараш за нєшка заказала дзевяту схадзку локалного парламенту.
Схадзка почнє на 11 годзин, а на Дньовим шоре будзе вибор члена Општинскей ради општини Вербас, предкладанє ришеня о окончованю длужносци, предкладанє одлуки о анґажованю ревизора за окончованє екстерней ревизиї закончуюцого рахунку буджету Општини Вербас за 2017. рок.
Тиж так, на дньовим шоре будзе и предкладанє одлуки о явним превозу путнїкох у драговим транспорту, звит о роботи Явней аґенциї за зоогиґиєну и польопривреду општини Вербас за 2017. рок, предкладанє ришеньох о менованю директорох комуналних подприємствох „Комуналєц” и „Стандард”.
Будзе розпатрани и звит о запровадзених виберанкох за совити месних заєднїцох и утвердзених резултатох вибору членох совитох месних заєднїцох у општини Вербас отриманих 31. децембра 2017. року, предкладанє ришеня о менованю члена Општинского штабу за позарядово ситуациї општини Вербас и друге.