ШИД – У орґанизациї парохиї Преображеня Господнього у Шидзе од ютра, 30. юния, та по нєдзелю, 2. юлий, буду отримани духовни вежби за жени-вирнїци, а буду их тримац шестри Служебнїци з Руского Керестура.
По словох шидского пароха о. Михайла Режака, вежби на пияток почню зоз Службу Божу на 18 годзин у нашей церкви у Шидзе, а на Служби будзе пошвецена икона Пресвятей Богородици, хтору даровала парохиянка Мелания Милошевич.
Всоботу дополадня и пополадню шестри буду викладац о темох з духовносци, духовней науки и церковного шпиву, а духовни вежби на нєдзелю буду закончени з порядну Служби Божу.