По 14. юний тирва явна анкета

автор апм
844 Опатрене

ВЕРБАС – Од вчера, 6. юния, та по штварток 14. юния, гражданє Вербасу маю нагоду участвовац у анкети и так одлучиц до хторого проєкту буду унапрямени 23 тисячи евра достати у вельким наградним бависку „Вежнї рахунок и победз 2018”.

Анкету ше запровадзує у шицких месних заєднїцох општини Вербас и у Канцелариї за младих Општини Вербас, каждого роботного дня у периодзе од 7 по 19 годзин. Право участвовац маю полнолїтни гражданє з пребувалїщом у општини Вербас.

Проєкти за хтори ше гласа то опреманє сензорней хижи за потреби дзецох з инвалидитетом, ушорйованє трибинох и санированє теренох спортских дружтвой „Ясики” и „Виноґради” и ушоренє Центру за физичну културу „Драґо Йовович”.

Деталнєйше о шицких трох проєктох мож опатриц на www.vrbas.net.

ПОВЯЗАНИ ТЕКСТИ