РУСКИ КЕРЕСТУР – Тей нєдзелї керестурска парохия св. оца Миколая видала нове число християнского часопису „Дзвони” за септембер.
У Уводнїку преглїбене духовне значенє нового церковного року у хторим ше означело Рождество Богородици, Воздвижениє Чесного Хреста, а 1. октобра будзе Покров Мацери Божей.
Тото виданє з векшей часци пошвецене Водицовому кампу хтори бул у авґусту зоз хторого обявени и теми хтори млади слухали на тим стретнуцу.
Призначени и нащиви паломнїкох Марийовому святилищу – Водици, а ту и запис о паломнїцтве у Словацкей.
З нагоди упокоєня о. Якима Симуновича з Миклошевцох дата його биоґрафия. У часопису и текст о бл. Методийови Трчкови, предлуженє записох о Українскей папскей малей семинариї у Риме, репортажа зоз преслави 190 рокох парохиї у Петровцох, рубрика за дзеци „Дзвончки” як и вистки зоз наших парохийох.