ВЕРБАС – Културни центер Вербасу и того року орґанизує дводньову манифестацию „Вельки панонски вашар”, пошвецену народному танцу, шпиванки и народней творчосци. През пияток и соботу на спомнутей манифестациї ше представя числени културно-уметнїцки дружтва и ансамбли зоз Сербиї и реґиону.
Публика будзе мац нагоду уживац у наступох дзецинских, виводзацких и ветеранских ансамблох з Вербасу, Темишвару, Зомбору, Бечею, Ловченцу, Младенова, Сириґу, Араду, Кралєва, Беоґраду и Руменки.
Обидва днї програма будзе отримана у Велькей сали Центра за физичну културу „Драґо Йовович” у Вербаше з початком од 20 годзин, а уход безплатни за шицких нащивительох.