СЕРБИЯ – Припаднїки националних меншинох, та и рускей, хтори ше потераз нє уписали до Окремного виберацкого списку (ОВС), а жадаю гласац на наиходзацих виберанкох за национални совити котри буду отримани 8. новембра, треба же би ше уписали до ОВС у локалней самоуправи спрам места пребуваня.
Окремни виберацки список ше водзи у єдинкох општинскей, доносно городскей управи за кажду меншинску заєднїцу окреме. Упис до ОВС мож окончиц лєм на особну вимогу, а єдна особа може буц лєм у єдним окремним виберацким списку.
Право на уписованє до ОВС маю шицки полнолїтни гражданє котри ше вияшня як припаднїки даєдней националней меншини.
Поступок за упис до ОВС єдноставни, досц же би особа у єдинки локалней самоуправи пополнєла одредзени формулар и придала го овласценей особи, а то мож зробиц найпознєйше по 23. октобер кед ОВС будзе заключени пре наступни виберанки.