ЖАБЕЛЬ – Општинска управа Жабель сообщела же мож окончиц увид до часци єдинственого виберацкого списку за подруче локалней самоуправи Жабель, пре преверйованє особних податкох котри уписани до виберацкого списку, а на основи предстояцих виберанкох за народних посланїкох котри буду отримани 25. октобра.
Часц виберацкого списку ше виклада прейґ рахункарскей опреми у шедзиску локалней самоуправи у Жаблю, улїца Николи Тесли 45, кажди роботни дзень у периодзе од 7 по 15 годзин.
Гражданє можу вимагац упис, сцеранє, вименки, допольнєнє або виправку податкох у виберацким списку зоз придаваньом вимоги, у писаней форми або усно, до Општинскей управи, по заключенє виберацкого списку, односно по 9. октобер 2026. року.
По заключеню виберацкого списку , вимогу за пременки мож поднєсц лєм компетентному министерству за роботу управи и на основи ришеня пременки мож окончиц найпознєйше 72 годзини пред отримованьом виберанкох.
Обивисцує ше гражданох же можу, найпознєйше 5 днї пред датумом заключеня виберацкого списку, придац вимогу же би ше до виберацкого списку уписало податок же виберач будзе гласац на виберанкох спрам места биваня у держави.