ДЮРДЬОВ – Церковному одбору грекокатолїцкей церкви Рождества Пресвятей Богородици у Дюрдьове прешлого року вицекол мандат, та ше пребера потребни активносци за вибор нового.
Парохиянє до нового Церковного одбору предложели трицец осмерих нових кандидатох. Думанє о тим чи задоволюю шицки потребни критериюми дате на схадзки Церковного одбору з домашнїм священїком о. Михаилом Холошняйом. Понеже шицки члени можу буц вибрани за нових членох, после розгварки з нїма, формує ше лїстину, а потим буду орґанизовани виберанки, о чим парохиянє буду благочасово обвисцени.
Нови Церковни одбору будзе мац дванац членох, а о тим кельо у нїм будзе хлопох, а кельо жени ище ше нє зна, алє факт же парохиянє предложели вецей жени як хлопох. Три особи зоз старого составу Одбору буду атвоматски уключени и до нового ЦО.