ВЕРБАС – Вчера, 30. юлия, у нововербаскей грекокатолїцкей церкви св. Владимира преславенe храмове швето – Кирбай.
Архиєрейску Службу Божу служел апостолски еґзарх, владика Георгий Джуджар, а сослужели ґенерални викар Янко Колошняї зоз Канади, парох коцурски Владислав Рац, парох старовербаски о. Алексий Гудак и сримскомитровицки парох о. Владислав Варґа. На Служби присуствовал и монах Сербскей православней церкви Иґуман Спиридон, староста манастира Руєвац при Любовиї. Шицких присутних привитал нововербаски парох о. Иґор Вовк.
Внєдзелю додзелєни дарунки и подзекованя фамелиї Вилмоша и Катици Хутак хтори другей вири и националней припадносци, а уж 35 роки помагаю и доприноша нововербаскей парохиї.
На кирбайскей Служби Божей церква була полна з вирнїками, а присутне було и вельке число шестрох Служебнїцох. Пред Службу вирних споведал о. Салак зоз Кули, а на концу богослуженя вирних мировал капелан керестурски о. Шанта Михайло.
