РУСКИ КЕРЕСТУР – У Марийовим святилїщу Водици, вчера докончене билєнє турнї на церкви, а пред Русадлями обилєна долня часц, так же Водицова церква тераз цала обилєна, а з нагоди єй ювилею 200-рочнїци хтора нєдавно преславена.
Турню обилєли двоме волонтере, осемдзешатрочни Штефан Хрин и домар у Водици Янко Олеяр хтори офарбел и облачки на турнї, а тиж оправели череп дзе на закрицу премакало. Шицко поробели самоинициятивно, за тидзень, пре вельку горучаву и у импровизованих условийох т. є. на скелох хтори сами направели.