НОВИ САД – У пейдзешат першим тогорочним числу новинох „Руске слово” такой на початку новинох обявена крачунска винчованка нашого епарха кир Георгия Джуджара.
На бокох „Тижньовнїка” закончуєме напис 100-рочнїци законченя Першей шветовей войни и присоєдинєню Войводини ґу Кральовини Сербиї автора Сашу Сабадоша, а дати и звит зоз другей схадзки Националного совиту Руснацох.
Рубрика „Нашо места” зазначела резултати локалних виберанкох у општини Кула, вистки о активносцох Рускей матки, як и актуялносци у општинох Шид и Вербас.
„Економия” пише о продукциї кравох у Коцуре и о тогорочней продукциї вина у Винариї доо „Руски двор”.
„Духовни живот” призначел як дочекани св. Миколай у наших парохийох цо ше ровнаю по юлиянским календаре и Вифлеємски огень котри розноша скаути од Исусового гроба у Вифлеєму по цалей Европи. Ту и вистка о паломнїци Розани Брусадели котра зашла и до Руского Керестура.
„Култура и просвита” дава звит о промоциї компакт диска зоз колядами и крачунскима винчованками у Бикичу, зоз виберанковей Скупштини Дружтва за руски язик, литературу и културу, и зоз промоциї мастер роботи Биляни Дражович у Заводзе за културу войводянских Руснацох.
„Мозаїк” преноши атмосферу зоз осмого по шоре Литературного вечара за младих у Дюрдьове, док рубрика „Людзе, роки, живот” представя Томислава Раца з Петровцох и Єлену Колбас Путанов з Нового Саду.
„Спорт” дава огляднуце на єшеньску часц першенства Рукометного клубу „Русин”, а як додаток вишла „Дом и фамелия”, як и нове предлуженє „Женоблоґиї”.