ЗОМБОР/КУЛА – На Скупштини Реґионалней привредней комори (РПК) Сербиї, хтора отримана початком тижня, за предсидателя РПК вибрани Зоран Булатович, хтори донєдавна бул директор „АБЦ фуд”.
Зоран Булатович зоз Кули, а то першираз после 20 рокох же на руководзаце место Комори поставени привреднїк зоз того места.
Як гварел нови предсидатель, його перши крочаї буду ускладзованє правних актох РПК зоз законами и правнима актами Сербиї и професионализация роботи Комори. Наявел же ше будзе баржей робиц на сотруднїцтве зоз привреднїками у локалних самоуправох и реґионє, а звекша ше и обсяг услугох хтори помогню привреднїком и поднїмательом.