САВИНЕ СЕЛО – У рамикох „Дньох Миколи М. Кочиша”, у ОШ „Бранко Радичевич” у Савиним Селу вчера отримане литературне стретнуце нашей познатей писательки Ирини Гарди Ковачевич и школярох котри факултативно виучую руски язик зоз елементами националней култури у тим месце, а шицких присутних привитал директор Школи Рахман Тиґань.
Руски язик як виборни предмет у Савиним селу виучую седемнацецеро школяре з учительку руского язика Леона Олеар. Писательку дзецом представела Ирина Папуґа, котрим вона пречитала свойо, як и писнї других писательох. Школяре у Савиним Селу на тим стретнуцу перши чули и єй нови писнї, хтори пошвидко буду друковани.
Дзеци тиж читали и рецитовали руски писнї, а на концу того друженя Ирина Папуґова спред Дружтва за руски язик, литературу и културу и Ирина Гарди Ковачевич наставнїци и школскей библиотеки подаровали руски кнїжки, а кажди школяр достал теку и клайбас.
