ЖАБЕЛЬ – Пре мали количества цукровей цвикли, фабрика „Геленик шуґар” у Жаблю того року нє прерабя цвиклу, а шицки роботнїки преруцени до цукровнї у Червинки, хтора тиж у власнїцтве истей греческей компаниї.
Того року преполовена продукция цукровей цвикли. Влонї у Сербиї под тоту културу було 74 000 гектари, а того року лєм 39 000 гектари.
Як сообщене з компаниї „Геленик шуґар”, фабрика у Червинки дньово прерабя 8 000 тони цукровей цвикли и продукує 1 000 тони цукру. Векша часц продукциї наменєна за вивоз.