РУСКИ КЕРЕСТУР – У Катедралней церкви св. оца Миколая у Руским Керестуре Руска редакция РТВ вчера пополадню зняла пейц Коляди з нагоди наиходзацих крачунских шветох.
Коляди виводзи Дзивоцка шпивацка ґрупа Дому култури Руски Керестур, хтору пририхтал фахови руководитель Мирко Преґун. Музична редакторка знїманя Агнета Тимко, а редактор програми Славко Орос. Режисер и єден зоз знїмательох Лазар Бркич, вєдно зоз Жельком Тотом.
Як за Рутенпрес виявел Славко Орос, зняти коляди наменєни ошвиженю програми за Крачун по обидвох календарох, а даскельо крачунски шпиванки планую зняц и у Шидзе, у Лєтнєй владическей резиденциї, хтори виведзе Младежска ґрупа КПД „Дюра Киш”.
