Кампаня цукровей цвикли ище мешац

автор ркк/зам
1.1k Опатрене

ЧЕРВИНКА – За 65 роботни днї од початку тогорочней кампанї преробку цукровей цвикли, у погонох червинскей цукровнї преробни 400 000 тони цвикли, а до конца кампанї Фабрика планує преробиц ище 200 000 тони, з чим сполнї тогорочни план преробку.

Красна хвиля оможлївює виберанє цвикли и єй транспортованє до цукровнї без почежкосцох, а штреднї урожай коло 55 тони по гектаре, цо на уровню очекованого. Подруцел єдино уровень цукру у цвикли, бо диґестия медзи 14 и 15 одсто.

На основи дотерашнєй роботи, тогорочна кампаня би могла буц закончена до конца децембра, гварели у червинскей Фабрики цукру.

ПОВЯЗАНИ ТЕКСТИ