ВОЙВОДИНА – Младежски здруженя и нєформални ґрупи младих ше по 20. юлий можу приявиц на конкурс за финансованє младежских волонтерских проєктох з обласцох защити животного штредку, ушореня явних просторох у хторих млади препровадзую шлєбодни час, орґанизованє рижних активносцох, промцию толеранциї и солидарносци, та здравого способу живота.
Конкурс ше запровадзує у рамикох програми „Млади закон“, чий задаток порушованє активизму и волонтеризму при младих у Бачкей, Сриме и сиверним Банату. Вредносц єдного проєкту може буц од 40 000 до 100 000 динари, а плановани активносци маю буц реализовани од 12. авґуста по 31. октобер.
Конкурс запровадзує Ресурс центер за Заходнобачки, Сивернобачки, Южнобачки, Сримски и Сивернобанатски округ и Зомборски едукативни центер, у сотруднїцтве з Новосадским гуманитарним центром, а з финансийну потримовку Министерства младежи и спорту.
Вецей о условийох конкурсу мож опатриц на сайту https://www.nshc.org.rs/projekti/tema/52