НОВИ САД – У тим тижню на Продуктней берзи предати 800 тони роби, вредносци коло 16,3 милиони динари, цо менєй од обчекованого обтоку.
Пад цени житаркох почал концом 2015. року, а як сообщела Продуктна берза, количества жита у Европи найвекши за остатнї 17 роки, а звекшує ше и количество кукурици.
Зоз житом ше на концу тижня тарґовало по 17,49 динари за килограм, цо за 5,07 одсто менєй у одношеню на остатнє тарґованє з тоту културу. То найменша динарска цена ище од септембра 2013. року, сообщела Продуктна берза.
Того тижня цена кукурици була 16,94 динари, цо за 1,91 одсто менєй у одношеню на тидзень пред тим, док соя ма стабилну цену – 41,80 динари за килограм и предати 100 тони сої.