МИКЛОШЕВЦИ – На швето Святого Миколая по григориянским календаре и миклошевски дзеци привитали Миколая.
У грекокатолїцкей церкви Рождества Пресвятей Богородици на 17 годзин отримана Служба Божа, хтору служел парох вуковарски и декан сримски о. Владимир Маґоч.
По Служби школяре нїзших класох Подручней школи у Миклошевцох котри виучую мацерински, руски язик пририхтали даскельо рецитациї и шпиванки пошвецени Миколайови, а з помоцу двох ангелох, Миколай дзецом до 14 роки подзелєл коло 60 пакецики, хтори обезпечел Церковни одбор.