КОЦУР/ВЕРБАС – Милан Шолая зоз Коцура, дакеди успишни рукометаш, а нєшка параолимпиєц, котри перши у Европи и други на швеце у статичней апнеи за особи зоз инвалидидтетом, тих дньох ше зочел зоз дияґнозу озбильней хороти.
Миланови дияґностиковани тумор на похребцини, котри залапел два похребциново персценї и онєможлївене му и шедзенє.
Шолайови нєобходна операция, же би му уложели два штучни похребциново персценї и фиксатор похребцини. Операция котра би мала буц окончена початком мая вимага вельки пенєжни средства, 1 263 502 динари, и прето Миланови потребна помоц.
Тих дньох у Коцуре, Вербаше порушани гуманитарни акциї, гуманитарни лицитациї, а оформена и Фейсбук ґрупа За Шолая Милана, ниа линк .
Одволали ше числени спортисти котри донирали спортски дреси, лабди, уметнїки, людзе котри жадаю помогнуц.
Тиж, отворени и жиро-рахунок на котри людзе добрей дзеки можу донирац пенеж: ERSTE BANK 340-87053231-30.