ДУХОВНИ ЖИВОТ – Найвекше Марийово швето – Успениє Пресвятей Богородици – Вельку Матку Божу, вирни парохиї св. оца Миколая у Руским Керестуре, хтора ше ровна по григориянским календаре, преславели 15. авґуста.
Найвецей вирних було на Служби Божей на 10 годзин, хтора була у Марийовим святилїщу Водици, дзе було окреме вельо присутних Керестурцох, а тиж и тих хтори ше през лєто врацаю до свойого родного валалу, а жию у других державох.
У Сримскей Митровици, на Служби Божей, у рамикох означованя 110 рокох церкви, пошвецени нови хрестt. У наших местох преславене швето Маковея, и з тей нагоди єст тексти з Нового Саду и Коцура. Отец Яков Кулич у Коцуре приповедал о мученю седемцох Маковейских братох и їх родичох и поручел парохияном же би, без огляду на почежкосци, остали вирни своєй християнскей вири.
Цали тексти пречитаце у 33. чишлє наших новинох.