ҐОСПОДЇНЦИ – Валалску славу ше преслави на соботу, 15. авґуста, а окрем вашарскей часци у парку будзе орґанизована и културно-забавна програма.
Того року преславу першираз потримала Туристична орґанизация Општини Жабель, та попри традицийней вашарскей часци у центру Ґосподїнцох у парку будзе орґанизована културно-забавна програма за младших и старших.
Програма почнє на 19 годзин зоз наступом Дружтва за пестованє народней култури и традициї „Дєрдан” зоз Ґосподїнцох, котри одтанцую вецей сербски народни танци. После того за наймладших будзе виведзена представа „Бавя ше дзеци швета”, а наступя и аниматоре котри буду забавяц присутних зоз танцом и интерактивну забавну програму.
Попри тим, а у приватней орґанизациї вецей особох, у центре у парку дзе ше находза кафичи од нєшка, 12. авґуста по соботу, 15. авґуст, односно штири вечари зашором од 22 годзин буду орґанизовани музични вечари на хторих буду наступац рижни состави, солисти и Ди-Джейове.
Ґосподїнска слава на сайту ТОО Жабель и Туристичней ораґнизациї Войводини предложена як туристична дестинация.
