РУСКИ КЕРЕСТУР – Керестурски саям 2021, котри потераз бул отримовани у рамикох Фестивалу рускей култури Червена ружа, того року будзе отримани на пияток, 8. октобра у Майсторским доме, з початком на 11 годзин.
На сайме буду представени продукти поднїмательох, старих ремеслох и ручних роботох, наймладшим роботню отрима керамичарка зоз Суботици, а на штанду НВУ Руске слово нащивителє годни купиц и кнїжки на попусту од 30 одсто.
Орґанизаторе сайму Здруженє ремеселнїкох и приватних поднїмательох Руски Керестур и Здруженє женох Байка, а проєкт потримали Општина Кула и Туристична орґанизация општини Кула.